السكايري بوقرعة

 

kimi-raikkonen-pic-getty-images-767325995-94490

كيمي رايكونن، الملقب بالأيسمان لأنه بارد و مامسوقش لحتى حاجة. خبز ربي في طبـﯕـو.. مع شوية ديال الفودكا و بولو ماﯕـنوم ديال خمسمية دريال

تزاد عام 1979 في مدينة إيسبو الفنلندية. نفس المدينة اللي فيها مقر نوكيا. ماعلينا، مبلي بالكارتينغ (و الشراب) من الصغر واخا كان داخل للمدرسة بحال ﯕـاع الدراري و كان باغيه بوه يقرا الهندسة الميكانيكية. الساعة خرج من المدرسة على 15 عام و شد في التسابق.

و لأنه أكبر معـﯕـاز في تاريخ الرياضة، دار غير 23 سباق  بين فورمولا فورد و فورمولا رونو (الفئات الصغرى) باش يوصل للفورمولا1 عام 2001. بدا مع ساوبر و لكن خطفوه مكلارن لعندهم من 2002 حتى 2006 و جا وصيف البطولة جوج مرات في 2003 و 2005 قبل مايتحول لفيراري في 2007 و يدي البطولة.

هاد خونا هو السائق الأعلى أجرا في تاريخ الرياضات الميكانيكية على رقبة فوربس. 51 مليون دولار سنويا عطاتها ليه فيراري من 2007 حتى 2010 واخا جراو عليه و جابو ألونسو و لكن خلصوه لأنهم هوما اللي فسخو العقد.

و لأنه معـﯕـاز صـﯕـع و كايجاوب غير  “آه” أو “لا” فإنه عدو الإعلام الأول و حبيب الجماهير الأول. و بلعاني لا شي صحافي بغا يستجوبو بزز كايدخل الإف وورد و الإس وورد وسط لانتيرفيو. و واحد المرة ضرب مصور لأنه قرب منو بزاف. و لكن الطوب هي البرازيل 2006. كان بيلي أسطورة الكرة أقام حفلة اعتزال لشوماخر و كيمي ما مشاش.. شوفو شوفو

 

العام الجاي خونا غادي يترافـﯕ مع ألونسو في فيراري. هو ما كايحملش الهضرة و ألونسو بين كل أنتيرفيو و أنتيرفيو كايدير أنتيرفيو.. غير الله يستر و صافي

المهم هاد خونا داير شلة فعايل لا بقينا نعاودو ليكم غادي نعمرو هاد ثلاثة جيـﯕـا اللي عاطينها لينا ووردبريس فابور

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s