هزو بينا العلام

d12gbr643

الأعلام في الفورمولا1 هي طريقة لتواصل عمال الحلبة مع السائقين حسب الظروف اللي كايجري فيها السباق. و كاين اللي كايتسائل علاش غير حتى كايبدا شي مارشال يشير بشي علام فشي لون و اشناهوا الدافع.. غير بلاتي غادي نشوفو هاد الألوان ديالاش واشنو معناها.

العلم الشطرنجي: هاداك اللي بحال ضامة. يعني نهاية الحصة سواء كانت تجارب ولا تأهيل ولا السباق براسو

العلم الأصفر: هادا يعني خطر في الحلبة (شي طوموبيل مفرشخة ولا أشلاء..) و خاص السائق ينقص شوية من السرعة لا كان علم اصفر واحد. أما لا كانو جوج خاص السائق ينقص السرعة بزاف ولا يستعد يوقف ﯕـاع. في كلا الحالتين ممنوع الدوبلاج

العلم الاخضر: لا ماشي ديال مولاي بوشعيب. هادا يعني بأن الخطر ديال العلم الأصفر أعلاه انتهى و التسابق يستأنف

العلم الأحمر: هادا يعني أن الحصة توقفات بسبب حادث ولا حالة الحلبة ولا حالة الطقس..إلخ

العلم الأزرق: كايعلم السائق بلي راه شي حد غادي يضرب عليه دورة و خاصو يخليه يدوز لأنه ماشي في منافسة معاه

علم مخطط بالاحمر و الأصفر: بحال راية كاتالونيا، كايعني بلي الحلبة كاتزلق فهاداك السيكتور بسبب الما ولا شي زيت مكفح من شي طوموبيل

علم كحل فيه دوارة برتقالية: و معاه الرقم ديال شي شيفور، يعني أنك آ فلان عندك عطب في الطوموبيل لا بد تدخل للـﯕـاراج

علم نصو بيض و نصو كحل: كايعلم السائق اللي دار شي حركة لا رياضية و مازال مابغاش يدخل يودي العقوبة. دخل اودي الله يهديك ها ودني منك

علم كحل: هادي زعما صافي راك قفرتيها و راك مقصي من هاد السباق. دخل فحالك

علم ابيض: شي سيارة / شاحنة / ﯕـروّة داخلة للحلبة

Advertisements

2 responses to “هزو بينا العلام

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s