وقف تشرب آتاي.. البيت-ستوب

Motor Racing - Formula One Testing - Test Three - Day 3 - Barcelona, Spain

Pitstop

أو كما يقول العرب “وقفة الصيانة” هي واحدة من أساسيات الفورمولا1، دورها استراتيجي أكثر من كونه إصلاحي/ترميمي. باش المنافسة تكون أكثر و يدخل شوية ديال المجهول في أجواء السباق.

في البدايات أيام الخمسينات (عام البون) كانو السائقين كايوقفو في الـﯕـاراج غير باش يشربو الما و يمشيو للكابينة حاشاكم. ولا لإصلاح شي عطب. و كان التوقف يبقا دقيقة ولا جوج حسب الـﯕـانة.

مع تطور الرياضة تقرر باش البنوات يوليو يتكالو و الطوموبيلات بخزان وقود صغير باش التوقف يدخل فيه تبديل البنوات و تعمار ليصانص حسب الاستراتيجية.

حاليا، و من عام 2010 مابقاش التزود بالوقود بسباب شي حوادث وقعو (كوفالاينن و ماسا قطعو التيو ديال ليصانص و شعلو العوافي) داكشي علاش زمن التوقف ولا قياسي. الرقم دابا عند ريدبول واقيلا بـ2.1 ثانية نعاماس. يعني أنه في بعض السباقات اللي صعيب فيهم التجاوز كايولي التوقف حاسم و اللي قضا وقت توقف أقل يخرج متقدم على اللي تعطل و لو نصف ثانية. علما أنه قبل التوقف في الـﯕـاراج خاص السائق يمشي بسرعة 100 كلم/س في منطقة “الحضائر” إلا موناكو فيها 60 كلم/س على قبل الضيق.

الطاقم ديال الوقفة معظم الأحيان كايكونو فيه بزاف ديال الناس: جوج واحد يهز من اللور و واحد يهز من القدام، ثلاثة عند كل بنو واحد يحيد القديم و لاخر يركب الجديد و الثالث اللي كايحل و يسد الكرو (مول الفردي)، جوج كايمسحو الرادياتور، واحد هاز طفاية العافية و واحد هاز الديمارور/ستارتر. من قبل كان واحد السيد كايشد البلاكة قدام الشيفور باش يعلمو وقتاش ينطلق (تعوض بضوء أخضر و أحمر) و أيام كان باقي التزود بالوقود كانو جوج هازين التيو و جوج هازين التيو سوكور. كل هاد الناس كايشتغلو بتناغم و كايتدربو يديرو تقريبا 2000 توقف تدريبي قبل مايبدا الموسم.

و نتا جبد الكريك و الكلامونيط و بقا تضارب ساعتين باش تبدل بنو واحد و بقا تعاود فيها شهرين لصحابك!! هههه

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s