كاموي كوباياشي رجع! يا حليلي

علي علــي بطل فليد.. هي طر يا كاموي

علي علــي بطل فليد.. هي طر يا كاموي

الياباني كاموي كوباياشي اللي ما تسابقش عام 2013 لأنه تعوض بإستيبان ﯕـوتييريز في ساوبر، غادي يرجع في 2014 مع فريق كاثرهام. زميلو غادي يكون ماركوس إريكسون اللي يالله غايـﯕـول بسم الله في الفورمولا1

كوباياشي بدا  في الفورمولا1 في آخر 2 سباقات عام 2009 مع طويوطا ملي تبليسا الألماني تيمو ﯕـلوك (ماشي الفردي)، من أول سباق ليه في البرازيل بين أنه ماشي ساهل و ازعج بطل العالم ديك الساعة (جنسون باتون) بزز حتا تجاوزو. وقع عقد مع فريق ساوبر عام 2010 و دار سباقات مزيانين خصوصا في فالنسيا و اليابان. في 2011 كان مستواه متوسط بسبب الطوموبيل الخرشاشة و عام 2012 كان في الظل ديال سيرجيو بيريز و مع ذلك حقق أول بوديوم ليه في اليابان.

و لأن كوباياشي مسكين مافحالوش و ماعندو حتى سبونسور و الواليد ديالو عندو غير محل ديال السوشي، ماقدرش يجمع الفلوس باش يدخل لشي فريق في 2013 لأنه و للأسف ولات الفرق كاتشوف في الشيك ديال السبونسور قبل الموهبة، ما علينا. صاحبنا دار دارت و جمع التبرعات من عند معجبيه و جمع مليون جنيه استرليني. باش وقع اليوم مع كاثرهام فريق المؤخرة.. القزيزيبة! ههه

كاموي كوباياشي محبوب جدا من الجماهير لأن الضحكة ما كاتفارقوش و لأنه ياباني. نينجا. ساموراي. بانزاي.. و داكشي لاخر!! كايفراني معطل بزاف مقارنة بباقي السائقين و كاتصدق ليه. نهار سولو واحد الصحافي كي درتي ليها جاوبو: “أنا ياباني و عينيا صغار و مسدودين. ما كايبانش ليا واش حدايا شي حد!!”… مسطي هادا

هاكو بعدا تفرجو فشي باراكة باش تعرفو الدري علاش قاد:

بالمناسبة، أول نهار كوباياشي ساﯕ لطويوطا في 2009، نزل و ركب الستيرين بالمقلوب ضحك عليه العالم هههه

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s