البوﯕـوص ولد الشهبين

مزيناتك

مزيناتك

نيكو روزبيرﯕ، الألماني. مواليد 1985 و ساكن في موناكو. بوﯕـوص و مرفح و كايهضر 6 لغات

أيه آ السي. نيكو روزبيرﯕ هو ولد بطل العالم لعام 1982 كيكي روزبيرﯕ الفنلندي. فضل أنه يتسابق بالجنسية الألمانية لأن أمو ألمانية و غاتكون عندو فرص نجاح أكثر. عاش حياتو من الطفولة إلى يومنا هذا في موناكو و دخل للكارتينغ  هو ولد 10 سنين.

ملي كان عندو 14 عام ولا هو و هاملتون زملاء في الكارتينغ كيفما راهم اليوم زملاء في الإف1 ﯕـولو سبحان الله. من بعد ما ربح بطولة الفورمولا3 الاوروبية دخل للفورمولا1 مع ويليامز بين 2006 و 2009 و حقق 3 البوديومات لا كان عقلي ينفعني و كذلك عندو روكور أصغر سائق كايسجل أسرع دورة في سباق.

من 2010 حتى لدابا هو مع فريق مرسيدس و حقق معاهم شلة بوديومات و 3 الإنتصارات. في 2013 كلشي عرف شكون هو روزبيرﯕ لأنه زمت ليا هاملتون شحال من مرة و كان أسرع منو خصوصا في الحصص اللي كانت فيهم الشتا.

روزبيرﯕ سائق ذكي و هادئ و ظريف و ولد الناس واخا كيليميني. في ايام ويليامز كان مطول الشعر و واحد الميكانيكي سما عليه “بريتني” و شدوها عليه كاملين لدرجة أنه واحد النهار ميكانيكيين المرسيدس خلاوه حتى نسا و لصقو ليه بريتني في الباسبور.. عافاريت

Rosberg3

الدريات، أنا آسف. نيكو كايبغي صديقتو فيفيان سيبولد و قراب يتجوجو. و هاد العام اختار يتسابق برقم 6 لأنه بالأرقام الرومانية كايعبر على أول جوج حروف من إسم فيفيان. شفتو الحب؟

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s