DRS أشناهوا

d12ind2239

Drag Reduction System

الدي آر إس (نظام الحد من قوى السحب) هو واحد الطرف من الجناح اللوراني كايتحل و يتسد. ملي يكون مسدود كايكون مواجه مع الهواء بدرجة مايلة باش كايضرب فيه البرد و يضغط على الطوموبيل التحت باش تكون ثابتة. أما ملي يتحل (في الخطوط المستقيمة) هاداك الهواء ما كاتبقاش شاداه شي مقاومة و هادشي كايزيد سرعة الطوموبيل القصوى ما بين 10 حتى لـ20 كلم/س. شوفو على عينيكم

الإستعمال ديال هاد النظام محدود طبعا. كايتسمح أنه يخدم غير في منطقة وحدة أو جوج في كل حلبة باش يساعد على التجاوز. في التجارب و التأهيل نهار الجمعة و السبت مسموح أنه السائق يشغل هاد النظام في المنطقة المخصصة. أما يوم السباق فعندو حكاية و قانون آخر.

نهار السباق ما كايسمح القانون باستخدام “دي آر إس” إلا عند بداية الدورة الثالثة. و مع ذلك ما يمكنش يستخدمو أي سائق إلا إذا كان قدامو شي سائق آخر و لكن ما فايتوش بأكثر من ثانية. لأنه قبل المنطقة المخصصة كاين واحد الخط ديال تحديد الزمن. إذا كان السائق اللي في الخلف متأخر بأقل من ثانية كايشعل عندو واحد الضو في المِقوَد و كايتسمح ليه هاديك الساعة يستخدم النظام. أما السائق الأمامي ما مسموحش ليه (إلا إذا  كان حتى هو ﯕـدامو شي حد بأقل من ثانية) و إذا ماقدرش يتجاوز و بعد منو السائق اللي قدامو أكثر من ثانية مايمكنش يستخدمو و خاصو يقرب ليه من جديد و يحاول. للإشارة النظام كايتغلق أوتوماتيكيا من عند الحكام و ما يتسمحش بأن يستعمل ايلا كانت الشتا أو شي علم أصفر أو سيفتي كار.

العديد من محبي الفورمولا1 ما كايحملوش دي آر إس لأنهم كايـﯕـولو بلي خلا التسابق رتيب و ممل و مافيه حتى جهد يدكر، يكفي أنك تجي ورا واحد و تورك على بوطونة و تفوتو. و لكن من ناحية أخرى عطا مرات فرص تجاوز لشي سيارات بطيئة باش تفوت سيارات أسرع و تحبسها

تجدر الإشارة إلى أن هاد النظام بدا من 2011 في نفس العام اللي جات فيه شركة البنوات بيريلي. الشيء اللي خلا السباقات أحيانا مملة و أحيانا غير موكب كايدور و أحيانا قمة في الإثارة.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s