اختبارات خيريز الشتوية.. بسم الله

circuito-de-jerez2

بحال كل عام وصل وقت اختبارات ما قبل الموسم، و كالعادة اليداية بحلبة خيريز الإسبانية ابتداءً من غدا حتى لنهار الجمعة 31. و لأول مرة غادين يدورو سيارات الجيل الجديد ديال الفورمولا1 في حلبة مفتوحة أمام العموم.

الحلبة في منطقة خيريز التابعة لولاية قاديس، مدينة اندلسية قديمة من أيام جد النمل. غزاوها العرب من عند الرومان و سماوها “شَريش” و لكن رجعوها سبنيول من بعد بحال كلشي. الطقس ديالها شبه استوائي و متقلب بين شميشة حارة و الشتا و هذا مفيد للإختبارات باش كل واحد يجرب طوموبيلتو في كل الظروف.

حلبة خيريز كانت كاتحتضن السباق الأوروبي (بالتناوب مع نوربرﯕـرينـﯕ الألمانية؛ السباق الأوروبي كان ذريعة باش شي بلاد تحتضن أكثر من سباق في العام) و لكن مابقاتش في الكالوندريي من شحال هادا. معروفة بسباق 1997 المثير للجدل؛ نهار السبت في التأهيل الكندي جيل فيلنوف و النمساوي هاينز-هارالد فرينتسن و ميكاييل شوماخر سجلو نفس التوقيت. و في السباق نهار الأحد شوماخر تعمد يصدم فيلنوف و لكن شوماخر اللي تفرشخت حديدتو و تعطاتو عقوبة شطب نتائج الموسم كامل و فيلنوج توج بطل العالم.

الحلبة كاتتشكل من 13 فيراج متنوع بين الفيراجات الطويلة و البطيئة و المزدوجة. و هذا هو سبب اختيارها لأن هاد التنوع كايحاكي كل الظروف اللي كاتكون في سباقات العام كامل

ايام الاختبارات مسموح للفرق أنها تركب بعض آليات القياس على السيارات أو تركب قطع واخا تكون غير قانونية لفائدة جمع المعلومات، لهذا فإن الشكل ديال الطوموبيلات ما غاديش يكون نهائي

من بعد هاد 4 ايام في خيريز الوجهة غاتكون البحرين و 8 ايام اخرى من التجارب مقسومة على مرحلتين

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s