كيفاش تولي سائق فورمولا1؟

RHkgGDX

بحال ﯕـاع الرياضات، باش الواحد يدخل للفورمولا1 خاصو يدوز من بزاف ديال المراحل اللي تقدر تكون أطول من مسيرتو في الفورمولا1 نفسها. إذن منين البداية و فين الوجهة من بعد؟

في سن صغير، بين 4 و 8 سنين الولد أو البنت كايدخلو للكارتينغ. أولا باش يلعبو بدايةً، من بعد كايبدا التعلم مع الممارسة. معظم البلدان عندها بطولات جهوية للكارتينغ للصغار مؤهلة للبطولة الوطنية اللي كايخرج منها بطل البلاد. و في دول كثيرة الجوائز كاتكون منح باش يخرج الولد/البنت يتسابقو فشي بطولة أخرى قارية و كاتكون هنا القفزة من الكارتينغ للفئة أحادية المقعد.

الفئات أحادية المقعد هي مشابهة للفورمولا1 من حيت الشكل مبدئيا واخا الإختلافات كبيرة بزاف في القوة. المواسم كاتكون مقسمة حسب الموقع الجغرافي: السباقات الأوروبية و الآسيوية. كيما في بطولة “فورمولا3” أو بطولة “سلسلة رونو العالمية”. الدخول لهاد البطولات بالنسبة للمتسابق اللي رابح بطولة كارتينغ كايكون داخل فيه الحظ و الفلوس، لأنه لا مالقاش شي سبونسور يمولو و يأمن ليه بلاصتو خاص موهبتو تكون خارقة باش ياخدو شي فريق و يحتضنو. خصوصا أن المنافسة فهاد الفئات الصغرى كاتكون باقية عدائية و الوليدات باقين صغار كايتساطحو و يقفدو تركيزهم بزربة.

المميزين من بعد (أو اللي عندهم الفلوس بزاف) كايقدرو يأمنو بلاصتهم في “الجي بي 3” أو “الجي بي 2” و هما الفئتين الرئيسيتين اللي كايغديو الفورمولا1 بالمواهب. طبعا هنا كاتبدا المنافسة الحقيقية لأن هاد الفئات مرافقة للفورمولا1 و كايتسابقو على نفس المسارات باش يكونو واجدين.

للأسف منذ الأزمة الإقتصادية ولاو المواهب اللي كايطلعو من هاد الفئات عندهم غير شوية ديال الموهبة و بزاف ديال الفلوس، لأن بعض الفرق في الفورمولا1 كاتفضل أنها تاخد الفلوس باش يقدرو يطورو سيارتهم خلال الموسم على أنهم يغامرو مع شاب واعد جديد ماعندو تا ريال يقدر ينجح أو يفشل.

المسار طويل و فيه بزاف ديال التضحيات، و أسهل حاجة فيه هي الفشل.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s