كيفاش كايتم التأهيل؟

0511874

Qualifications / Qualifying

حصة التأهيل اللي كاتكون نهار السبت هي الحصة اللي كاتحدد ترتيب انطلاقة السباق نهار الحد، المتسابق الأسرع اللي كايسجل أحسن دورة هو اللي كاينطلق من الرتبة الأولى اللي كاتسمى “البّول بّوزيشن” أو قطب الإنطلاقة.

الحصة كاتكون مقسمة لـ3 مراحل

Q1

المرحلة الأولى كاتدوم 20 دقيقة كاتدخل السيارات كلها (22) باش تحاول تسجل أسرع لفة. أصحاب آخر 6 مراكز كايتقصاو من المرور للمرحلة الموالية و كايكون هاداك هو ترتيبهم اللي غادين ينطلقو منو الغد. و عندهم الحق يختارو أي نوع من البنوات ينطلقو بيه في السباق.

Q2

المرحلة الثانية كاتدوم 15 دقيقة و كاتتنافس فيها السيارات اللي بقات (16) بحال كيما دكرنا أعلاه، و آخر 6 سيارات كايتقصاو من المرور للمرحلة الثالثة.

Q3

المرحلة الأخيرة من التأهيل و الحاسمة كاتدوم 10 دقايق و كايشاركو فيها 10 السيارات اللي بقاو. الأسرع كايحصل على البول بوزيشن، و خلافا للسائقين اللي تقصاو أعلاه، المشاركين في المرحلة الثالثة كاينطلقو على نفس البنوات اللي سالاو بيهم حصة التأهيل.

من بعد ما تسالي حصة التأهيل، ممنوع يتبدلو أو يتعدلو المواصفات ولا معايير الضبط ديال السيارة، يعني خاصها تبقى كيفما سالات التأهيل. إلا في حالة إصلاح عطب اللي كاتكون مرفقة بعقوبة: 5 مراكز للخلف على تغيير البواطافيتاس، أو إرجاع للخلف على تغيير الموطور ولا الريـﯕـلاج.

بعض العقوبات الاخرى اللي كاتأثر على ترتيب الإنطلاقة هي إعاقة شي متسابق أثناء التأهيل فشي دورة كان غادي يسجل فيها وقت (3 حتى 5 مراكز للخلف) أو أن السائق يكون مداير شي زبلة في السباق السابق و جايب معاه عقوبة 10 مراكز للخلف.

التأهيل كايتطلب تركيز كبير من الشيفور، لأنه في كل دورة و في كل فيراج خاصو يضغط 100% باش يربح الوقت. و في كل مرة خاصو يحسن الزمن ديالو واخا غير بأجزاء قليلة من الثانية.

بالنسبة للسائقين اللي سجلو أزمنة متشابهة و هادي كاتطرا مرة مرة، اللي سجل الزمن هو الأول كايكون عندو الإمتياز. و ابتداءً من 2014 مول البول بوزيشن غادي يولي يربح طروفي.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s