عوّل على راسك

Spanish+F1+Grand+Prix+Practice+Xfh8917wp69x

اليوم صدر قرار من الفيا (الجامعة الدولية للسيارات) بتعديل الطريقة ديال تطبيق الفصل 20.1 من القانون الرياضي للفورمولا1 اللي كاينص على أنه “خاص الشيفور يسوﯕ الطوموبيل بوحدو بلا مايعاونو حد” حرفيا

التعديل اللي غادي يبدا من السباق الجاي ينص على أن الإتصالات بالراديو بين الشيفور و المهندس ما غاديش يبقا فيها معلومات على الآداء العام و آداء السائقين الآخرين. مثلا مايمكنش من دابا السائق يسول “آشنو ندير في الإستهلاك؟” مثلا أو “شحال الفرق بيني و بين فلان؟” و غادي تقتصر على تخطيط التوقفات في الـﯕـاراج و المعلومات اللي مهمة للسلامة. مثلا حرارة مرتفعة ولا خلل فيه خطر كايستدعي الإنسحاب أو التدخل المباشر

الفيا بهاد القرار كاتطمح أنها تزيد شوية ديال الحماس في السباق باش الشيفور مايبقاش غير مرتاح لا كان عندو فرق كبير مع اللي وراه و يبقا يدور مفشش بحالا تابع موكب ملكي.. بغاوهم يكونو على أعصابهم من الإنطلاقة حتى للعلم المزرﯕـط

و لكن الستون هو أن الفراقي غايلقاو ألف طريقة و طريقة يلتفو بيها على هاد القانون: مثلا المعلومة يرسلوها للشاشة ﯕـدام الشيفور ولا بشي لغة مشفرة نتا برﯕـم وانا نفهم. و لكن ماغانعرفو حتى حاجة حتى يجي سباق سنغافورة و نشوفو و نحكمو

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s